Përfaqësuesja e Kosovës në futboll (femrat) ka nisur përgatitjet për dy ndeshjet miqësore që do t’i zhvillojë në Turqi kundër Ukrainës.

Ndeshja e parë miqësore do të zhvillohet të premten, kurse e dyta më 12 nëntor.

Përzgjedhësja e Kosovës, Afërdita Fazlija ka vlerësuar lartë përfaqësuesen e Ukrainës. Ajo ka premtuar maksimumin për të dyja ndeshjet.

“Jemi të vetëdijshëm se Ukraina është një kundërshtare e fortë. Ne do të mundohemi ta japim më të mirën. Janë dy ndeshje që do të na shërbejnë për ta kompletuar ekipin e para ndeshjeve kualifikuese për kampionatin evropian që nisin vitin e ardhshëm”, ka thënë Fazlija të martën për Kohën Ditore.