Në kompleksin memorial në Reçak të Shtimes qytetarë të shumtë kanë bërë homazhe në nderim të 45 shqiptarëve të vrarë e e masakruar nga regjimi i kriminelit Sllobodan Millosheviq, raporton Ekonomia Online.

Homazhe kanë bërë edhe krerët e shtetit. Kryeparlamentari Glauk Konjufca, presidentja Vjosa Osmani, kryeministri Albin Kurti të shoqëruar edhe nga ambasadori, William Walker, ish-kryesues i
Misionit Verifikues në Kosovë në vitet ’99, vendosën kurora lulesh.

Homazhe në kompleksin memorial në Reçak gjatë paradites të së dielës ka bërë homazhe edhe ministri i Mbrojtjes, Armend Mehaj, bashkë me zëvendësministrin, Shemsi Syla dhe drejtues të FSK-së kanë vendosur kurora lulesh.

Walker i cili gjatë këtyre ditëve të janarit po qëndron në Kosovë, është parë krah kryeministrit Albin Kurti, presidentes Vjosa Osmani e kryeparlamentarit, Glauk Konjufca.