Kryeministri izraelit, Benjamin Netanyahu, ka dal në një konferencë për media duke cilësuar luftën si një konflikt global kundër një “boshti terrori” të udhëhequr nga Irani, ndërsa tha se të gjitha fuqitë e civilizuara duhet ta mbështesin Izraelin në luftë.

Në këtë konferencë, në të cilën Netanyahu tha se “do ta çmontojmë Hamasin” ishte prezent edhe ambasadorja e Kosovës në Jerusalem, Ines Demiri.

”Ne do ta mposhtim Hamasin, do ta çmontojmë Hamasin, do t’i ofrojmë popullit të Gazës dhe gjithë popujve të Lindjes së Mesme një të ardhme reale, një të ardhme premtimi dhe shprese, por kjo kërkon fitore”, tha Netanyahu.