Laporta: Për dallim nga kandidatët e tjerë për president, kam besimin e Messit

Prishtinë | 25 Dhj 2020 | 11:47 | Nga Ekonomia Online

Joan Laporta ka deklaruar se marrëdhëniet e tij me Lionel Messin janë ato që bëjnë diferencën mes tij dhe kandidatëve të tjerë për president të Barcelonës.

Laporta, që ishte president i Barcelonës në vitet 2003-2010, do të kandidojë sërish për këtë rol në zgjedhjet e janarit 2021.

Në një intervistë për EFE ai ka treguar se si ardhja e tij në krye të Barçës mund ta bindë Messin që të vazhdojë të qëndrojë në Camp Nou.

I pyetur nëse mendon se projekti që do të prezantojë presidenti i ri i Barcelonës do të ketë ndikim në vendimin e Messit për të qëndruar ose jo në Camp Nou.

“Po, do të ndihmojë shumë nëse Messi e sheh se projekti prezanton një ekip konkurrues. Ajo është gjëja më e rëndësishme për të. Në këtë kuptim kam një avantazh ndaj kandidatëve të tjerë: besimin e tij. Ai e di që kam ndjekur gjithçka që i kam thënë, ai më ka thënë këtë. Dua të jem president i klubit në mënyrë që t’i ofroj atij një ofertë sportive dhe financiare me të cilën ai ndihet rehat dhe kjo nënkupton se Barcelona mund të ketë sukses sërish në Ligën e Kampionëve”, ka thënë Laporta.

Ai ka bërë të ditur gjithashtu se gjatë kohës së tij kishte pasur oferta të shumta për Messin, njëra ndër e Interit në vitin 2006 kur kishte ofruar 250 milionë euro, që ishte më shumë se klauzola e tij prej 150 milionë euro.

Fjalë Kryesore:

Të ngjashme