Kryetari i Gjakovës nga Aleanca për Ardhmërinë e Kosovës, Ardian Gjini, ka reaguar ndaj lajmit të rremë për njohjen e Kosovës nga shteti i Xhamajkës, raporton Ekonomia Online.

Gjini në mënyrë kronologjike e ka komentuar lajmin e plasuar nga ambasadorja Vlora Çitaku, si dhe përpjekjet e liderëve politikë për të marr meritat.

Ky është postimi i tij i plotë:

Mosnjohja kronologjikisht

1. Ambasada jonë në Washington e merr një info se Xhamajka shpejtë mund ta njeh pavarësinë e Kosovës.

2. Pa menduar fare, e përcjellin informatën te Presidenti Thaçi, në mënyrë që ai të jetë i pari që e jep lajmin e jo Kryeministri Kurti, eventualisht.

3. Me ta dëgjuar lajmin, Kurti, Osmani,… e deri Fitore Pacolli turr e vrap me marrë merita, të mos i lihet Thaçit, “era e ndryshimit” e solli njohjen kinse.

4. Nga Xhamajka vjen lajmi se krejt ka qenë fake, të paktën deri mbrëmë.

5. Pacolli kërkon shkarkimin e ambasadores Çitaku.

6. Krejt njerëzit normal skuqen prej turpit.

Nis e sos egoizëm adoleshent!