Mbretëresha e Britanisë së Madhe Elizabeth II ka rezultuar pozitive me Covid-19 dhe po përjeton simptoma të lehta të ngjashme me ftohjen, njoftoi Pallati Mbretëror.

Ajo ishte duke u monitoruar nga afër pasi dolën lajmet se Charles ishte infektuar me virusin vetëm disa ditë pasi çifti kishte qenë në kontakt të ngushtë të martën.

Në fillim të këtij muaji Pallati Mbretëror refuzoi të konfirmonte nëse mbretëresha 95-vjeçare kishte rezultuar pozitive apo negative, duke nxitur dyshime për shëndetin e saj, por burimet e pallatit këmbëngulën se ajo nuk po shfaqte simptoma të virusit.

Megjithatë, tani është konfirmuar se edhe ajo ka rezultuar pozitive me Covid.

Mbretëresha është vaksinuar tre herë. Ajo mori dozën e parë në janar 2021, të dytën në mars, ndërsa burimet thonë se besohet se ajo mori dozën e tretë përforcuese në tetor.