As në Manchester City dhe as në Paris Saint Germain, Lionel Messi duhet të shkojë në Juventus, sipas James Rodriguez.

Ish mesfushori i Real Madridit mendon se është koha që të realizohet dëshira e të gjithëve, t’i shohim duke luajtur bashkë Messin me Cristiano Ronaldon.

Leo është lojtar i lirë, pasi ditë më parë Barcelona njoftoi zyrtarisht për largimin e 34-vjeçarit.

Ka zëra se ai ka arritur marrëveshje me PSG-në, por James e këshillon të shkojë në Juventus.

“Messi duhet të shkojë në Juventus dhe të luajë me Ronaldon”, tha James në një lidhje direkte në “Tëitch”.

“Do të ishte bombë. Është ëndërr e shumë fansave që t’i shohin këta dy së bashku”.

“Messi ka arritur së paku 30 gola dhe 30 asiste për Barcelonën vitin e kaluar, tani ata duhet të kërkojnë për dikë tjetër që të kryejë atë punë”.