Ministri i Bujqësisë, Pylltarisë dhe Zhvillimit Rural, Faton Peci, ka bërë të ditur se sot ka nënshkruar një vendim të rëndësishëm.
Ky vendim po quhet si reformë në gjurmueshmëri dhe matrikulim, për përcaktimin e rregullave të Identifikimit, Regjistrimit të Kafshëve, raporton Ekonomia Online.
“Sot e nënshkruajta këtë udhëzim, i njëjti pas publikimit 7 ditë në gazetën zyrtare, hyn në fuqi’, ka thënë ndër tjera ministri.
Postimi i plotë:
Reformë në gjurmueshmëri dhe matrikulim!
Përmes Udhëzimit Administrativ MBPZHR NR.01/2024 për përcaktimin e rregullave të Identifikimit, Regjistrimit të Kafshëve mundësohet gjurmueshmëria, ri-regjistrimi i tërësishëm i fondit blegtoral, si dhe menaxhohet në mënyrë transparente çështja e matrikulave e nga ana tjetër eliminohen abuzimet me numrat e matrikulave tek kafshët.
Sot e nënshkruajta këtë udhëzim, i njëjti pas publikimit 7 ditë në gazetën zyrtare, hyn në fuqi.
Andaj fermerë e blegtorë, nuk do të keni asnjë pengesë rreth matrikulimit për të aplikuar në Programin për Pagesa Direkte / Subvencione 2024!