Ministri i Drejtësisë Abelard Tahiri, ka dhënë detaje se çfarë do të ndodh me projektligjin e ri që do të ndihmojë për parandalimin e keqpërdorimit të detyrës zyrtare.

Ai foli mbi projektligjin e ri të cilin e ka propozuar në Kuvendin e Kosovës, që do të ndihmonte për parandalimin e keqpërdorimit të detyrës zyrtare.

Tahiri bëri të ditur se sipas projektligjit, në momentin e ngritjes së aktakuzës për personin zyrtar, personi në fjalë do të suspendohet nga puna, qofshin ata zyrtarë të ulët apo të lartë, shkruan rtv21.tv.

Ndërsa në momentin kur personi zyrtar dënohet për keqpërdorim të pozitës zyrtare, t’i ndalohet nga 1 deri në 10 vite ushtrimi i veprimtarisë së tij në institucione publike, varësisht nga vendimi i gjykatës.

Cak i këtij projektligji sipas ministrit janë të gjithë njerëzit të cilët policia dhe prokuroria i heton se kanë keqpërdorur pozitën zyrtare.

Sipas Tahirit kur një person keqpërdor edhe për 500 euro pozitën e tij zyrtare, nga ai moment do të rishikohet pasuria e tij për 10 vitet e fundit, për të kuptuar mënyrën se si e ka fituar ai pasurinë e tij, dhe se a mund ta dëshmojë ai se e ka fituar në mënyrë.