Zëvendëskryeministri Driton Selmanaj ka rezultuar pozitiv me COVID-19.
“Dje e kam bërë testin për COVID-19 dhe sot më njoftuan që kam rezultuar pozitiv. Specialistët shëndetësorë po më thonë që jam a-simptomatik”, ka njoftuar Selmanaj.
Selmanaj bën të ditur se është vetizoluar.
“Nga momenti i testimit jam izoluar dhe kështu jam i detyruar të qëndroj edhe për dy javët e ardhshme. Do përpiqem që të gjitha obligimet e punës t’i kryej nga shtëpia”, përfundon Selmanaj.
Dy ditë më herët, edhe kryeministri i Kosovës, Avdullah Hoti, i cili vjen nga e njëjta parti si Selmanaj, njoftoi se ka dalë pozitiv.
Po ashtu, një numër i deputetëve të Kuvendit të Kosovës janë infektuar me Coronavirus; disa prej tyre tashmë janë shëruar.