Telekomi i Kosovës dhe Monaco Telecom kanë arritur marrëveshje për stabilizim të operimeve dhe realizim të tranzicionit në kodin shtetëror.
Këtë lajm e ka bërë të ditur kryeshefi ekzekutiv Bedri Istrefi përmes llogarisë së tij në Facebook.
Ai ka thënë se ky akord do të rezultojë me kosto të ulura deri në -60% deri në implementim të plotë të kodit shtetëror me ç’rast lirohemi nga të gjitha obligimet kontraktuale.
Ky është postimi i tij i plotë:
Si rezultat i angazhimit intensive për stabilizim të operimeve dhe realizim të tranzicionit në kodin shtetëror, sot u arrit marrëveshja me Monaco Telecom që të përkrahet ky tranzicion. Mirënjohës për ekipet e angazhuara nga të dy kompanitë në mirëkuptimin e arritur. Ky akord, gjithashtu, do të rezultojë me kosto të ulura deri në -60% deri në implementim të plotë të kodit shtetëror me ç’rast lirohemi nga të gjitha obligimet kontraktuale.