Shoqata bamirëse Qatar (QC) ka marrë përsipër që të ndihmojë jetimë dhe familje të varfra në Kosovë, ku përfshihen më shumë se dy mijë e 200 sponsorë.

Në QC kanë thënë se në vitin e fundit kanë ndihmuar 550 jetimë, studentë dhe familje të varfra, që është një rritje prej 33 përqind në krahasim me vitin paraprak shkruan Gulf, përcjell Klan Kosova.

Mahmoud Abbas Shaker – drejtor i Zyrës së Qatar Charity në Kosovë, ka thënë se QC është institucioni i parë humanitar sa i përket numrit të sponsorëve, kur krahasohet me organizatat tjera bamirëse që operojnë në Kosovë.

Ai ka shtuar se mbështetja e jetimëve dhe segmenteve të tjera, si student dhe njerëzve me aftësi të kufizuara është një prej fushave më të rëndësishme të punës së Qatar Charity në Kosovë, duke shtuar rëndësinë e arritjes së ndryshimeve kualitative në ndryshim të shërbimit të siguruar nga sponsorët dhe e përmbushur në nevojat e tyre të ndryshme.

Ai ka thënë se çmimi i sponsorizimit dhe aktiviteteve edukative kanë kaluar tetë milionë për vitin e kaluar, ku ka vlerësuar ndihmën e dhënë nga populli i Katarit për nevojat e njerëzve në Kosovë dhe të tjerëve.