Në Gjimnazin “Luigj Gurakuqi” në Klinë, janë zhvilluar aktivitete të ndryshme kulturore që kanë të bëjnë me prezantimin e trashëgimisë kulturore të Kosovës.

Me ketë rast, janë zhvilluar disa aktivitete nëpër grupe duke filluar me ligjërata me temën “ Trashëgimia kulturore dhe Turizmi”.

Grupi tjetër ka improvizuar gërmimet arkeologjike ndërsa i treti ka zhvilluar procesin e konservimit, restaurimit dhe inventarizimit nga gjetjet në aktivitetin e gërmimit të improvizuar arkeologjik. Një kënd i të rinjve kanë pasur për detyre të vizatojnë pikturat e paraqitura gjatë prezantimit. Janë zhvilluar lojëra tradicionale.

Ndërsa për të gjithë kalimtarët është bërë prezantimi i kopjeve të eksponateve që i takojnë kohës së para historisë deri në periudhën romake të cilat ishin të vendosura në një vitrine mobile.

Qëllimi i këtij projekti ishte që komuniteti të njihet e të shohin nga afër një pjesë të rëndësishme të objekteve muzeore si dhe të zhvilloi aktivitet edukativ në shërbim të publikut në theks të veçante të të rinj dhe nxënësit.

Drejtoria e Kulturës në Klinë, falënderon përfaqësuesit e Muzeut e Kosovës dhe ata të Departamentit të Etnologjisë dhe Antropologjisë kulturore në Universitetin e Kosovës për bashkëpunimin dhe mundësinë që kanë krijuar për zhvillimin e këtij aktiviteti në Komunën e Klinës.