Megjithëse me Planin zhvillimor komunal është paraparë zona ekonomike, opozita ka kërkuar që pushteti ta bëjë një studim fizibiliteti.

Kjo zonë është paraparë të shtrihet në fshatrat: Topanicë-Hodonoc-Domorovc.

Por këshilltarët komunalë të Lidhjes Demokratike të Kosovës (LDK) dhe atyre të Partisë Demokratike të Kosovës(PDK) në Kamenicë, deklarojnë se ekzekutivi i komunës nuk duhet që të ndjekë shembullin e komunave të tjera, shkruan sot Koha Ditore.

Florim Kryeziu (PDK), ka thënë se kryetari i komunës duhet të sigurohet të realizojë studimin e fizibilitetit dhe nëse ekzekutivi i komunës nuk ka paraparë mjete buxhetore për një gjë të tillë atëherë duhet të kërkohet nga Kuvendi Komunal që të lejohet një ndarje buxhetore për këtë çështje.