Të paktën gjashtë persona kanë mbetur të lënduar pas një aksidenti në fshatin Zabel i ulët të Komoranit, teksa raportohet se të gjithë ndodhen jashtë rrezikut për jetë.
Kryetari i Komunës së Drenasit, Ramiz Lladrovci ka publikuar pamje nga aksidenti, teksa u ka dëshiruar të lënduarve shërim të shpejtë.
“Aksidenti në Zabel të ulët, tregon shumë për mungesën e kujdesit në komunikacion. Pandeminë e përballuam si duhet, kujdesi për jetën tonë dhe të tjerëve nuk duhet të mungojë, asnjëherë!”, ka shkruar në fund ai.
Postimi i plotë:
Të lënduarve të sotëm në aksidentin e ndodhur në Zabel të ulët, ju dëshiroj shërim të shpejt e me sa më pak pasoja.
Jemi me brengën e personave dhe familjeve të prekura në aksident. Të gjithëve të lënduarve ju dëshirojmë kthim sa më të shpejtë pranë familjeve.
Nga vendi i ngjarjes, dukej situatë e tmerrshme, për fat, nga ato që u thanë, asnjëri nuk është në rrezik për jetën.
Aksidenti në Zabel të ulët, tregon shumë për mungesën e kujdesit në komunikacion. Pandeminë e përballuam si duhet, kujdesi për jetën tonë dhe të tjerëve nuk duhet të mungojë, asnjëherë.