Papa Françesku: Interneti mund të kthehet në një burim dhune

Prishtinë | 09 Pri 2018 | 17:03 | Nga

Papa Francesku, në një deklaratë të tij drejtuar katolikëve, është shprehur se interneti mund të kthehet në një burim dhune.

Sipas tij, format e komunikimit të shpejtë mund të jenë një faktor çorientimi, pasi në disa webfaqe duket se është përjashtuar çdo lloj etike dhe çdo respekt për emrin e mirë të tjetrit.

“Interneti mund të kthehet në një burim dhune. Edhe të krishterët mund të jenë pjesëmarrës në këto rrjete dhune verbale. Madje edhe në mediat katolike mund të kalohen kufijtë, tolerohen shpifjet dhe denigrimi. Format e komunikimit të shpejtë mund të jenë një faktor çorientimi. Në disa webfaqe duket se është përjashtuar çdo lloj etike dhe çdo respekt për emrin e mirë të tjetrit. Kështu verifikohet një dualizëm i rrezikshëm, sepse në këta rrjete thuhen gjëra që do ishin të patolerueshme në jetën publike dhe kërkohet të kompensohen dëshirat duke shfryrë me tërbim dëshirat për hakmarrje”, shprehet Papa Francesku.

Më tej ai shton se “Është domethënës fakti që ndonjëherë, duke pretenduar se mbrohen urdhëresat, kalojmë tërësisht në anën e kundërt. Mos thoni një dëshmi të rreme dhe të shkatërroni imazhin e tjetrit pa mëshirë. Aty manifestohet pa asnjë lloj kontrolli që gjuha është ‘e keqja e botës’ dhe i vë zjarrin të gjithë jetës sonë. Nuk na bën mirë të shohim nga lartë-poshtë, të marrim rolin e gjykatësit të pamëshirshëm, të konsiderojmë të tjerët si të pa denjë dhe të pretendojmë të japim leksione vazhdimisht. Kjo është një lloj dhune e lehtë”.

Fjalë Kryesore:

Të ngjashme