Papa Leo kërkoi që “sovraniteti” i Venezuelës të garantohet, duke thënë se po ndjek zhvillimet në vendin latinamerikan me “shqetësim të thellë.”

Papa, i pari i lindur në SHBA, foli të dielën në komentet e tij të para që nga ndërhyrja e administratës Trump në Venezuelë, e cila çoi në kapjen e udhëheqësit të vendit.

Leo, duke folur gjatë Angelus-it të së dielës, tha: “e mira e popullit të dashur venezuelian duhet të mbizotërojë mbi çdo konsideratë tjetër,” duke kërkuar një rrugë drejt “drejtësisë dhe paqes që garanton sovranitetin e vendit, siguron sundimin e ligjit të shkruar në Kushtetutë dhe respekton të drejtat njerëzore dhe civile të të gjithëve, dhe punon së bashku për të ndërtuar një të ardhme paqësore të bashkëpunimit, stabilitetit dhe harmonisë.”

Papa gjithashtu bëri thirrje për “më të varfërit që vuajnë për shkak të situatës së vështirë ekonomike” në vendin, ekonomia e të cilit është 28% e asaj që ishte në vitin 2013, sipas FMN-së./CNN