​PDK-ja kërkon nga Kuvendi shkurtimin e mandatit të Rizvanollit

Prishtinë | 08 Dhj 2022 | 12:51 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Partia Demokratike e Kosovës ka akuzuar ministren e Ekonomisë se po e keqpërdor Ligjin për masat emergjente në furnizimin e energjisë.

Deputeti i PDK-së, Ferat Shala ka kërkuar nga Kuvendi shkurtimin e mandatit të ministres së Ekonomisë, Artane Rizvanolli, për siç theksoi se ai shkeljeve ligjore.

Kuvendi i Kosovës në një seancë të jashtëzakonshme ka shqyrtuar propozim-vendimin e qeverisë për zgjatjen e masave emergjente në furnizimin e energjisë edhe për 30 ditë.

Sipas tij, Rizvanolli po e mashtron edhe kryeministrin për strategjinë për energji.

“I nderuari kryetar i Kuvendit, për shkak të këtyre shkeljeve ligjore, të futet në rend dite dhe ta zbatojmë pikën 4 të nenit 25 dhe t’ia shkurtojmë mandatin e kësaj ministre që ta keqpërdorë ligjin. Ministre, ku është strategjia për energji? Na ke premtuar nga marsi, shkoi 1 vit e s’kemi strategji. Pra, si i zgjidhni problemet strategjike kur nuk ka strategji. Për më keq, jo që na ke mashtruar neve, e ke mashtruar edhe kryeministrin. Fatkeqësisht, e dëgjova kryeministrin në forumin e Vjenës, i cili thirret në strategjinë e energjetike. Qysh ka mundësi një kryeministër që thirret në një strategji që s’ka… Do të duhej të ishte alarm institucional edhe prokurorial, por tash s’ka as prokurorë se ua ke zbritur pagat dhe s’ka kush të ndjek. Dhe në anën tjetër zvogëlimi i kapaciteteve prodhuese dhe dëmi shumë i madh financiar”, tha ai.

Deputeti Shala ngriti edhe çështjen udhërrëfyesit për energji në veri, i cili nuk ka nis të zbatohet.

Lexo më shumë:

Të ngjashme