Drejtori i Përgjithshëm i ATK-së, Sakip Imeri, ka mbajtur sot takim me përfaqësuesit e zyrës së FMN-së në Kosovë, Ruud Vermeulen dhe Selim Thaçi.

Në takim u diskutua për performancën e të hyrave të Administratës Tatimore në gjashtëmujorin e parë të këtij viti dhe planet për pjesën tjetër të vitit.

Në takim ndër tjera, u diskutua edhe për rezultatet e deritanishme nga zbatimi i Ligjit për Faljen e Borxheve Publike, bëhet e ditur në një komunikatë shtypi të ATK-së.

“Përfaqësuesit e FMN-së përsëriten se do të vazhdojnë ta mbështesin ATK-në në zhvillimin dhe avancimin e fushave me rëndësi, me qëllim të ngritjes së kapaciteteve profesional”.

Nga ana tjetër, drejtori Imeri thuhet se falënderoi përfaqësuesit e FMN-së për mbështetjen e deritanishme dhe potencoi nevojën për vazhdimin e këtij bashkëpunimi edhe në të ardhmen.