Britania e Madhe do të jetë nikoqire e radhës e Samitit të Procesit të Berlinit.

Sipas Zyrës për Politikë të Jashtme të Britanisë, samiti i radhës do të mbahet më 22 tetor, ku do të marrin pjesë të gjitha vendet e Ballkanit Perëndimor.

“Bashkë me liderët e Ballkanit Perëndimor ne do ta rrisim bashkëpunimin në rritjen e sigurisë në Evropë, luftën kundër migracionit të parregullt dhe nxitjen e rritjes ekonomike”, thuhet në njoftim.

Herën e fundit, Samiti i Procesit të Berlinit ishte organizuar në Berlin më 14 tetor të vitit të kaluar.