Hoti-Kurtit: A e cenon sovranitetin e Kosovës marrëveshja e Washingtonit?

Prishtinë | 24 Qer 2021 | 12:07 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ish-kryeministri Avdullah Hoti tha se marrëveshja e Washingtonit është shumë e rëndësishme për Kosovën, raporton Ekonomia Online.

Ai ka kritikuar Qeverinë për kundërshtimin e marrëveshjes duke kërkuar nga Qeveria që të deklarohet nëse kjo marrëveshje e cenon sovranitetin e Kosovës.

Hoti konfirmoi se do të kërkojnë debat parlamentar lidhur me veprimet e Qeverisë.

“Kjo marrëveshje është kritikuar nga të gjitha partitë opozitare atëherë me argumente të paqëndrueshme, me motive politike jo fisnike thjesht për të rritur militantizmin e verbër politik të përkrahësve të tyre. Një pjesë e asaj opozite tash është në Qeveri dhe duke qene në Qeveri ne presim që të tregohet maturi më e madhe politike karshi çështjeve të rëndësisë shtetërore”.

“Qeveria ka pranuar studimin e fizibilitetit për Liqenin e Ujmanit. Ka qenë absurde atëherë të deklarohet se kjo marrëveshje e nënshkruar në Shtëpinë e Bardhë cenon sovranitetin e Kosovës. Unë pres deklarim të qartë nga Qeveria në pyetjen se a e cenon sovranitetin e Kosovës studimi i fezibilitetit për Liqenin e Ujmanit e përgatitur nga mbrojtësi më i madh i sovranitetit të Kosovës”.

“E udhës do të ishte të kërkohej falje, ju pata thënë atëherë të mos nguten por edhe tash ju them. Administrata e presidentit amerikan e ka konfirmuar se do të vazhdojë të realizojë këtë marrëveshje. Këta që janë në qeveri i ftoj që të kujdesen për realizimin e projekteve të kësaj marrëveshje, ndryshe ju garantoj se nuk e kanë gjatë në qeveri sikurse nuk e kanë pasur vitin e kaluar”.

Lexo më shumë:

Të ngjashme