Ish-ministri i jashtëm i Kosovës Enver Hoxhaj ka uruar ish-ministren e jashtme të Greqisë, Dora Bakoyannis, për të cilën tha se është zgjedhur Raportuese për Kosovën në Këshillin e Evropës.

Hoxhaj, këtë lajm e dha përmes një shkrimi në rrjetin social Twitter, duke thënë se Greqia është një partner rajonal, si dhe një partner i fortë evropian, si një anëtar i BE-së.

“Është mirë të shoh miken Dora Bakoyannis që u zgjodh si Raportuese për Kosovën në Këshillin e Evropës. Për ne, Greqia është një partner rajonal, si dhe një partner i fortë evropian, si një anëtar i BE-së. Urime!”, ka shkruar Hoxhaj tutje.