Ministri i Punëve të Brendshme, Xhelal Sveçla, ka pritur në takim shefin e zyrës së Këshillit të Evropës në Kosovë, Frank Power.

Gjatë këtij takimi u bisedua për prioritetet e Ministrisë së Punëve të Brendshme dhe projekteve të cilat i ka zhvilluar Këshilli i Evropës bashkë me MPB-në.

Ministri Sveçla theksoi se kanë gatishmërinë që të vazhdojmë bashkëpunimin duke angazhuar të gjithë mekanizmat e MPB-së në mënyrë që bashkërisht të zbatojmë prioritetet e tyre.

Në fund të takimit, Power e falënderoi ministrin Sveçla për gatishmërinë e treguar në bashkëpunimin si dhe theksoi se Këshilli i Evropës do të vazhdojë ta përkrah Kosovën me të gjitha kapacitetet që posedojnë.