Një samit triditor i gjashtë vendeve të Ballkanit Perëndimor, që marrin pjesë në Procesin e Berlinit, do të fillojë sot në qytetin polak të Poznanit.

Liderët e Ballkanit Perëndimor dhe të vendeve partnere do të takohen të premten për të diskutuar çështjet më të rëndësishme të rajonit.

Mbi 10 kryeministra kanë konfirmuar praninë e tyre. Lista përfshin kancelaren gjermane, Angela Merkel, kryeministren britanike, PM Theresa May dhe të gjithë kryeministrat e vendeve të Ballkanit Perëndimor.

Në këtë samit priten të marrin pjesë më shumë se 1 500 persona, përfshirë mbi një mijë të ftuar.

Procesi i Berlinit është një iniciativë gjermane për nxitjen e zgjerimit të Bashkimit Europian drejt Ballkanit Perëndimor, ku bëjnë pjesë Shqipëria, Bosnje-Hercegovina, Mali i Zi, Kosova, Maqedonia e Veriut dhe Serbia.

Kjo nismë përfshin tetë vende të BE-së, Gjermaninë, Francën, Italinë, Austrinë, Slloveninë, Kroacinë dhe Britaninë e Madhe. Polonia iu bashkua këtij grupimi vitin e kaluar/PAP.