Komuna e Rahovecit ka bërë planin e mbledhjes së mbeturinave në komunë, bëhet e ditur përmes një komunikate për media.

Plani i mbledhjes së mbeturinave në tërë territorin e komunës së Rahovecit filloi sot, më 2 Maj 2018 dhe në vazhdim ju paraqesim planin e veprimit deri më datë 8 Maj

-Me 2 Maj 2018 ka filluar aksioni për heqjen e deponive inerte në rrugën rajonale Rahovec-Malishevë nga Kompania Mendi-P dhe EA Njaz nga Rahoveci, të cilat kanë mbështetur aksionin për heqjen e inerteve. Përveç kësaj, këto dy kompani kanë marrë përsipër të largojnë edhe deponinë në hyrje të qytetit të Rahovecit, rrugës për në fshatin Brestoc.

-Po ashtu sot, më 2 Maj 2018, nën organizimin e DKA-së në aksion kanë marrë pjesë nxënës dhe arsimtarë të dy shkollave fillore të qytetit, SHFMU “Isa Boletini” dhe SHFMU “Ardhmëria” dhe janë kujdesur për heqjen e mbeturinave organike në lagjen e epërme të qytetit.

-Kompania Bamirs nga Suhareka ka marrë përsipër 4 fshatra, që të kujdeset për eliminimin e deponive inerte në këto vendbanime: Opterushë, Zoqisht, Reti dhe Reti e Ulët (2 maj 2018).

-Euro ing ka marrë përsipër të mbështesë aksionin e largimit të deponive në Sapniq, Pataqan të Epërm, Pataqan të Poshtëm dhe Fortesë, (2 maj 2018).

-Me 3 maj nxënësit e shkollave Gexhë, Malësi e Vogël dhe Ratkoc, fillojnë me aksion për mbledhjen e qeseve të plastikës dhe mbeturinave organike në rrugët kryesore dhe përreth shkollave. Poashtu, Kompania I-Seferi, ka marrë përsipër të bëj rrafshimin e mbeturinave inerte në oborrin e shkollës së mesme SHML “12 MAJI” në Ratkoc.

-Më 5 Maj dhe 6 Maj është pushim!

-Më 7 Maj në Dejnë dhe Dobidol fillon aksioni për heqjen e mbeturinave organike në rrugët kryesore dhe përreth shkollave.

-Me 8 Maj fillon aksioni për heqjen e mbeturinave, qeseve të plastikës dhe mbeturinave organike në rrugët kryesore dhe përreth shkollave në fshatrat Polluzhë, Pastasellë, Senoc dhe Drenoc. Në mbështetje të heqjes së inerteve i bashkëngjitet kompania KAG Asfalt.