Kanë vijuar debatet në distancë mes kryeministrit shqiptar Edi Rama dhe presidentit të Republikës Ilir Meta.
Në postimin e fundit në rrjetet sociale, kreu i qeverisë shqiptare shkruan se përfshirja e presidentit në zgjedhje është krim zgjedhor ndërsa futja e tij në lokale bastesh me subjekte të OFL është krim mendor.
“Ilir, krim zgjedhor në Republikat Parlamentare është edhe përfshirja e presidentit si palë në zgjedhje me thikë në gojë! Ndërsa futja e Presidentit skutave nëpër lokale ku vënë baste ilegale subjektet e OFL për të propaganduar rrëzimin e qeverisë me revolucion është krim mendor”, ka shkruar Rama./ A2 CNN