Edi Rama, kryeministri i Shqipërisë, është duke qëndruar në Gjermani, ai atje ka takuar kancelaren Angela Merkel.

Këtë e bëri të ditur Rama me anë të një postimi në rrjetin social Facebook.

“Në Kancelarinë Federale për të kërkuar PO-në për Shqipërinë”.

Ai po ashtu ka deklaruar se Merkel është një mike e vërtetë.

“Shumë i inkurajuar nga vlerësimet dhe predispozita pozitive ndaj Shqipërisë e kancelares Merkel”, ka shkruar Rama.

Më parë, Rama ndau një fotografi nga Komiteti i Çështjeve Evropiane të Bundestagut, ku ishte i pranishëm për të kërkuar, siç vetë ai u shpreh, PO-në e parlamentit gjerman për Shqipërinë.