Të martën është identifikuar rasti i tretë me virusin e Nilit në Kosovë, ndërkaq ditë më parë, një person ka ndërruar jetë në Kosovë, si pasojë e këtij virusi.

Naser Ramadani, drejtori i Institutit Kombëtar të Shëndetit Publik, e ka konfirmuar lajmin për prezencën e këtij virusi, duke shtuar se deri më tash tre pacientë janë diagnostikuar me këtë virus, derisa një ka përfunduar me fatalitet.

Ramadani pohoi për RTK-në se është detektuar edhe një rast me praninë e virusit të Nilit, i cili është i shtrirë në Klinikën Infektive, dhe i cili është në fakt rasti i tretë i diagnostikuar në Institutit Kombëtar, i cili rast praktikisht ka filluar gjatë javës së kaluar, e që ka pasur shenja klinike, ku ditën e martë edhe ka rezultuar me diagnozë të virusit të Nilit.

Sipas tij, infeksioni i virusit të Nilit perëndimor, te njerëzit, kryesisht është rezultat i kafshimit nga mushkonjat e infektuara.

Mushkonja ka dhe ndaj tyre duhet të marrim masa, nga të gjitha institucionet por edhe qytetarët sepse, shton Ramadani, nga pickimi i tyre të merret virusi i Nilit perëndimor, i cila jo te të gjithë pacientët shkakton vdekjen.