Spanja ka bërë të ditur se do t’i pranojë mbi 600 emigrantë të cilët janë bllokuar në një anije në det të hapur.

Në bordin e anijes Aquarius gjenden 629 emigrantë të shpëtuar në Detin Mesdhe, prej tyre 123 të mitur të pashoqëruar, 11 fëmijë dhe 7 gra shtatzëna.

Kryeministri italian, Pedro Sánchez, ka thënë se do t’i ofrojë leje për të zbarkuar në portin e Valencias në mënyrë që të evitoje një katastrofë humanitare, pasi Italia dhe Malta refuzuan që t’i pranojnë emigrantët.

Ministri i ri i Brendshëm i Italisë, Matteo Salvini, kishte refuzuar t’ju dalë në ndihmë e nuk ka lejuar zbarkimin në shtetin e tij të emigrantëve të nisur nga brigjet e Libisë.

Salvini, njëkohësisht zëvendëskryeministër dhe kryetari i Lega Nord, ka deklaruar se i takon Maltës që të ankorojë anijen me emigrantë, e t’i lejojë ata të zbresin.