Real Madridi ka konfirmuar gjatë ditës së sotme se sulmuesi i tyre, Karim Benzema ka rezultuar pozitiv me coronavirusin e njohur si Covid-19.

Mëngjesin e së premtes, klubi spanjoll ka njoftuar se sulmuesi i tyre francez, Benzema, ka rezultatin pozitiv me Covid-19 nga testet e bëra së fundmi.

“Real Madrid CF konfirmon që lojtari ynë Karim Benzema ka dalë pozitiv për Covid-19”, thuhet në njoftimin e klubit mbretëror.

Si i tillë, 33-vjeçari do të duhet të mbetet në izolim derisa të testohet negativisht dhe pastaj të mund të kthehet për trajnimin para-sezonal me shokët e tij të ekipit.

Benzema ishte vendosur të kthehej në ambientet e Real Madrid këtë të premte, 23 Korrik, pasi mori pjesë në Euro 2020 me Francën.

Real Madrid nuk ka dhënë ndonjë detaj në lidhje me gjendjen e Benzemas, kështu që është e paqartë nëse ai ka ndonjë simptomë të shkaktuar nga Covid-19 ose nëse është asimptomatik.