Chelsea synon ta zëvendësojë Wernerin me Haalandin

Prishtinë | 19 Kor 2021 | 16:13 | Nga Ekonomia Online

Chelsea është njëri nga klubet që është lidhur më së shumti me transferimin e Erling Haalandit këtë afat kalimtar, por ata duhet të lirojnë hapësirë dhe fonde nëse duan të bëjnë ofertën që do ta bindte sulmuesin e Borussia Dortmund.

Për këtë arsye, raportohet se londinezët po shqyrtojnë mundësinë e largimit nga klubi të Timo Wernerit, një vit pasi e morën nga Leipzigu për 53 milionë euro, shkruan Gazeta Express.

Ai pati 12 gola dhe 15 asiste përgjatë 52 ndeshjeve në sezonin 2020/21, me vetëm gjastë gola në 35 paraqitje në Premierligë, kështu që Chelsea është i gatshëm të ndajë rrugët me 25-vjeçarin, sipas Daily Mail.

Chelsea është i interesuar aq shumë të nënshkruajë me Haalandin saqë po ofrojnë Wernerin te Dortmundi si shkëmbim, megjithatë ekipi gjerman e ka refuzuar këtë ide, sipas Sky Sports Alemania.

Sidoqoftë, Chelsea planifikon të kërkojë blerës për Wernerin. Nëse ai nuk largohet, nënshkrimi me Haalandin do të ishte i pamundur. 

Të ngjashme