Portieri i Real Madridit, Keylor Navas, nuk ka dëshirë të largohet nga klubi madrilen, përkundër transferimit të portierit Thibaut Courtois nga Chelsea.

Dje, Real Madridi përmes faqes zyrtare ka lajmëruar transferimin e fituesit të “Dorezës se artë” në Botëror, portierit Thibaut Courtois, transmeton Gazeta Express.

31-vjeçari nga Kosta Rika e ka bërë të qartë që ai nuk dëshiron të largohet, duke thënë se për të largimi nga “Los blancos” është po aq tërheqës sa vdekja.

“Sigurisht, dhe e them këtë me bindje, kam po aq dëshirë ta largohen sa kam dëshirë të vdes”, ka thënë Navas.

Navas iu bashkua klubit madrilen nga Levante në vitin 2014, kur gjigantët spanjollë e kishin aktivizuar klauzolën e tij.