Mbrojtësi i Real Madridit, Alvaro Odriozola është i bindur se klubi i tij do të zëvendësojë Cristiano Ronaldon para fillimit të sezonit.

Ronaldo u largua nga klubi spanjoll në drejtim të Juventusit dhe gjatë karrierës së tij me “Mbretërit” realizoi 450 gola në 438 paraqitje në të gjitha garat.

Madridi ka shprehur interesim për sulmuesin Edinson Cavani, derisa anësori i Chelseat, Eden Hazard besohet se është në listën e transferimeve te Reali.

Odriozola – transferim nga Real Sociedadi – është shprehur i bindur se Ronaldo do të zëvendësohet para se të përfundojë afati kalimtar i verës.

“E shikoj skuadrën dhe më bie ndërmend se ky ekip ka fituar Ligën e Kampionëve dy muaj më parë. Për mua është klubi më i mirë në botë dhe jam i sigurt se do ta zëvendësojmë Cristianon”, ka thënë Odriozola.