Sot (e enjte) janë në orar të zhvillohen takimet e para gjysmëfinale të Ligës së Evropës. 

Pas ndeshjeve të Ligës së Kampionëve gjatë të martës dhe mërkurës, tani radha i ka ardhur edhe ndeshjeve të Ligës së Evropës që do të zhvillohen sot.

Edhe gara e dytë elitare evropiane ka hyrë në fazën e nxehtë dhe sot do të zhvillohen ndeshjet e para gjysmëfinale.

Klube të mëdha si Manchester Unitedi, Arsenali, Roma dhe Villarreali do të tentojnë ta bëjnë hapin e parë drejt finales.

Djajtë e Kuq janë nikoqir të Giallorossëve në ndeshjen e cila pritet të zhvillohet nga ora 21:00 në Old Trafford.

Në ndeshjen tjetër, Villarreali e pret Arsenalin nga ora 21:00 në ndeshjen që pritet të luhet në ‘Estadio de la Ceramica’.

Ndeshjet kthyese zhvillohen pas një jave apo më saktë me 6 maj.