Moment të paharruar për shtetin dhe popullin e Kosovës e ka cilësuar kreu i shtetit, Hashim Thaçi, pjesëmarrjen historike të kosovarëve në ngjarjen më të madhe të sportit në botë.

“Moment i paharruar për shtetin dhe popullin tim. Kosova shënoi debutimin në ngjarjen kryesore ndërkombëtare sportive, në Lojërat Olimpike. Krenar me parakalimin e sportistëve tanë me simbolet shtetërore. Kosova u bë vlerë e re e diversitetit botëror”, ka thënë Thaçi nga Rio përmes një postimi në rrjetin social Facebook.

“Pjesëmarrja jonë në Rio është një hap i rëndësishëm drejt forcimit të subjektivitetit ndërkombëtar të Kosovës. Urime të gjithëve”, ka thënë ai më tej.