Ndonëse nuk ka lejuar që Shqipëria e Kosova të përballen në territorin e Zvicrës, Federata e Futbollit e Zvicrës vlerëson se ka marrëdhënie shumë të mira me Kosovën, përkatësisht me Federatën e Futbollit të Kosovës.

Ishte planifikuar që Shqipëria e Kosova të përballen mes vete në fund të këtij muaji në Zvicër, në një ndeshje miqësore, shkruan Koha Ditore.

Ishte Federata Shqiptare e Futbollit që bëri ofertën për Kosovën, pasi Shqipëria pritet të ketë një kamp në Zvicër, ku në fillim të qershorit mund të luajë me Ukrainën.

Marrëveshja mes dy federatave u arrit, por më pas i pari i FFK-së, Fadil Vokrri, njoftoi se organizatori i ndeshjes nuk ka mundur të sigurojë leje nga Federata e Futbollit e Zvicrës.