IKShPK nis serinë prej 12 videosh për Ditën Botërore të Diabetit: Çfarë kam mësuar për diabetin?

Përmes kësaj nisme, profesionistë shëndetësorë, gazetarë dhe përfaqësues të shoqërisë civile ndajnë përvojat dhe mësimet e tyre nga puna me personat që jetojnë me diabet, duke përcjellë mesazhe të rëndësishme për parandalimin, kujdesin dhe menaxhimin e kësaj sëmundjeje.

Në videot e kësaj serie theksohet rëndësia e kontrolleve të rregullta shëndetësore, diagnostikimit të hershëm dhe mbështetjes familjare, si faktorë të rëndësishëm për përmirësimin e cilësisë së jetës së personave me diabet.

Me moton “Të veprojmë herët për diabetin”, IKShPK fton qytetarët që gjatë ditëve në vijim të ndjekin serinë e videove, të informohen dhe të ndërgjegjësohen për rëndësinë e kujdesit të hershëm ndaj kësaj sëmundjeje.

Dita Botërore e Diabetit shënohet çdo vit më 14 nëntor, me qëllim të rritjes së ndërgjegjësimit për diabetin dhe rëndësinë e parandalimit, diagnostikimit dhe trajtimit të tij.