Rrahja ndërmjet të miturve në Gjilan: Prokuroria e cilëson si “tentim v’rasje”

Sipas prokurorisë, rasti ka ndodhur në rrugën ‘’Mësuesit e viteve 90’ta’’ në Gjilan, ku dy grupe, pas një mosmarrëveshje, janë rrahur fizikisht mes vete.

Gjatë rrahjes janë përdorur mjete të mprehta, duke pësuar lëndime trupore.

Me të marrë informacionet e para, policia ka reaguar menjëherë dhe, në bashkëpunim me prokurorin e shtetit, ka ndaluar të njëjtit për 24 orë.

“Prokuroria Themelore në Gjilan, ndaj të miturve ka filluar hetimet si dhe brenda afateve kohore është paraqitur kërkesa për caktimin e paraburgimit pranë Gjykatës Themelore në Gjilan, Departamentit për të Mitur” thuhet në njoftimin e prokurorisë.