Sekretari i Përgjithshëm i Aleancës, Avni Arifi, ka reaguar me tone ironike dhe kritike ndaj deklaratës “Nuk jemi të varfër, por të vjedhur”, duke drejtuar akuza ndaj pushtetit për ndryshimin e standardeve dhe largimin nga realiteti i qytetarëve.
“Nuk jemi të varfër, por të vjedhur”, Arifi me kritika ndaj pushtetit për luksin dhe harrimin e klasës punëtore

Arifi rikujton kohën kur, sipas tij, politikanët në opozitë kritikonin ashpër edhe shpenzimet për një telefon, ndërsa sot, siç shprehet ai, nuk lënë gjë pa bërë.
Ai ironizon ndryshimin e stilit të jetesës së përfaqësuesve politikë, duke përmendur kostumet e shtrenjta, kravatat firmato dhe veturat luksoze, ndërsa thekson se klasa punëtore është lënë në harresë.
Në reagimin e tij, Arifi përdor edhe ironi lidhur me Velipojën, Durrësin dhe Çamërinë, duke vënë në pikëpyetje diskursin e mëparshëm politik dhe duke e krahasuar atë me interesat e reja për rivierën dhe kuzhinën greke.
“Mashtrues dhe tinëzakë deri në qiell”, përfundon Arifi reagimin e tij, duke e shoqëruar kritikën me tone të ashpra ndaj politikanëve.















