Këngëtarja e njohur shqiptare, Tuna Sejdi, është duke përgatitur diçka të re për fansat e saj.

Këtë gjë ajo e ka bërë të ditur përmes fotografive që ka publikuar së fundmi në rrjetet sociale, ku është shfaqur mjaft atraktive, e veshur me një kostum provokues me ngjyra.

Në një moment, Tuna ka pozuar edhe me një maskë, duke treguar kështu një anë tjetër të paraqitjes së saj.

Ajo nuk ka bërë të ditur nëse këto janë pjesë nga xhirimet e klipit të ri, sido që të jetë këngëtarja ka ngacmuar imagjinatën e ndjekësve të saj me këto poza.

Tuna është shumë e pëlqyer nga publiku shqiptar për muzikën e saj, aq më shumë pas rikthimit të bujshëm që pati vitin që shkoi me albumin “Fortuna”.

“Amoni” mban titullin projekti i fundit muzikor, që ajo e solli për fansat në muajin tetor të vitit 2019.