Turqia nxori një dekret përmes të cilit u kërkon kompanive që të marrin leje nga shteti nëse dëshirojnë të eksportojnë respiratorë mjekësorë dhe pajisje tjera.

Qëllimi i kësaj mase është plotësimi i kërkesës në tregun e brendshëm, derisa numri i të infektuarve nga coronavirusi në vend po rritet.

Në Turqi, 59 njerëz vdiqën gjatë dy javëve të fundit dhe 2.433 u infektuan me koronavirusin e ri.

Dekreti thotë se kompanitë do të kenë nevojë për leje të veçantë për të eksportuar respiratorë dhe pajisje tjera mjekësore.

Ankaraja më parë ka njoftuar se do të ndalojë eksportimin e maskave mbrojtëse, transmeton REL.

Turqia ka ndërmarrë një numër masash për të parandaluar përhapjen e coronavirusit, duke përfshirë një shtetrrethim të pjesshëm për qytetarë të moshuar, mbylljen e shkollave, restoranteve dhe bareve, si ka ka ndaluar lutjet masive dhe ndeshjet sportive.