Ushtarët ukrainas kanë shpaketuar raketat antitank Javelin, të dorëzuara si pjesë e ndihmës së sigurisë së ShBA-së në Ukrainë, në aeroportin Boryspil, Kiev, Ukrainë, më 11 shkurt.

Shtetet e Bashkuara dhe anëtarët e tjerë të NATO-s i kanë dërguar Ukrainës deri më tani 17 mijë raketa antitank dhe 2 mijë raketa kundërajrore Stinger.

Këë e ka bërë të ditur një zyrtar i lartë amerikan për CNN.

“Shumica dërrmuese” e një pakete prej 350 milionë dollarësh të ndihmës për sigurinë amerikane tashmë është dorëzuar në Ukrainë, sipas zyrtarit, vetëm një javë pasi u miratua zyrtarisht nga Shtëpia e Bardhë.