Vazhdojnë punimet në kubëzimin e rrugëve në fshatrat Krushë e Madhe dhe Brestoc të Komunës së Rahovecit, punimet në kubëzimin e rrugëve nga afër i ka parë sot Idriz Vehapi, Kryetar i Komunës së Rahovecit i shoqëruar nga Muhamet Behra, drejtor i Drejtorisë së Shërbimeve Publike.

Banorët e fshatrave Krushë e Madhe dhe Brestoc, e kanë falënderuar Kryetarin që përmes realizimit të këtyre projekteve kapitale në infrastrukturë dhe në projekte të tjera, po u’a lehtëson lëvizjen e tyre, pasi që infrastruktura rrugore vërtet kanë qenë në një gjendje jo të mirë.

Nga ana e tij Kryetari Vehapi, në bisedat të cilat i kishte me banorët e të dy fshatrave u tha atyre se si qeverisje komunale, nga buxheti komunal në vazhdimësi jemi duke bërë investime kapitale në infrastrukturë rrugore. Investime në të mirë të banorëve, të fshatrave Krushë e Madhe, Brestoc dhe në gjithë territorin e Komunës së Rahovecit, do të ketë në vazhdimësi pasi që këto janë të parapara edhe me planifikimin e buxhetit për vitin 2017.