Lideri i PDK-së, Kadri Veseli, ka mbajtur një tubim elektoral edhe me qytetarët e Obiliqit.

Ai ka thënë se qytetarët e kësaj komune janë një hap para drejt fitores së 6 tetorit, kësaj dite historike për Obiliqin dhe Kosovën.

Veseli ka thënë se Kosova duhet ta bëjë një zgjedhje: një luftë pa kompromis kundër korrupsionit.

Dhe, sipas tij, PDK-ja do ta bëjë këtë, sepse vetëm PDK-ja do vërtet që ta bëjë.

“Edhe Obiliqi po i bashkohet fitores së Partisë Demokratike të Kosovës. Qytetarët e kësaj komune janë një hap para drejt fitores së 6 tetorit, kësaj dite historike për Obiliqin dhe Kosovën”.

“Ne mund t’ia kthejmë shpresën rinisë sonë, ashtu siç me aleatët ia sollëm shpresën popullit tonë, 20 vjet më parë”, ka thënë Veseli.

“Por, ne fillimisht duhet ta ndihmojmë veten, që të mund të na ndihmojnë edhe aleatët tanë. Para së gjithash, Kosova duhet ta bëjë një zgjedhje: një luftë pa kompromis kundër korrupsionit. Dhe, jemi vetëm ne që do ta bëjmë këtë. Jemi vetëm ne që duam ta bëjmë”.

“Si kryeministër i ardhshëm do t’i ndryshoj prioritetet e Qeverisë për t’iu ofruar më shumë mundësi të rinjve tanë, që të ndërtojnë një të ardhme më të mirë në vendin tonë. Votojeni Partinë Demokratike të Kosovës dhe numrin 112. #PDK112”, ka shkruar Veseli.