Presidenti i Serbisë, Aleksandar Vuçiq, ka thënë qëndrimin e vendit që udhëheq teksa bombardimet e Rusisë në Ukrainë janë duke vazhduar.

Vuçiq teksa iu drejtuar popullit nga Pallati Serbia tha se këto janë ditë veçanërisht të vështira për Serbinë për shumë arsye, shkruan “B92”, transmeton Klankosova.tv.

“Ditët e mëparshme u përpoqëm dhe arritëm të mbajmë një qëndrim të unifikuar për çështjen e krizës në Ukrainë dhe veprimet dhe reagimet tona, si dhe të gjitha veprimet dhe lëvizjet që organet tona shtetërore duhet të zbatojnë. U përballëm me probleme dhe presione, pothuajse të pa maskuar”, tha Vuçiq.