Ish-Ministri i Shëndetësisë dhe deputeti i LDK’së, Armend Zemaj, i ka uruar shërim të shpejtë Ministrit të Shëndetësisë, Rifat Latifit, i cili i është nënshtruar një intervenimi kirurgjik.
Zemaj ka thënë se i uron Latifit shërim sa më të shpejtë dhe shëndet sa më të mirë.
“Ministri i Shëndetësisë, Dr. Rifat Latifi, sot iu paska nënshtruar një intervenimi kirurgjik nga apendisiti. Me këtë rast, ministrit Latifi i uroj shërim sa më të shpejtë dhe shëndet sa më të mire”, ka shkruar Zemaj.
Ndryshe, Ministri i Shëndetësise, Rifat Latifi i është nënshtruar një intervenimi kirurgjik nga apendiciti apo siç njihet ndryshe “zorra qorre”.
Lajmin e ka kumtuar Ministria e Shëndetësisë në orët e para të mëngjesit, përmes një njoftimi në faqen zyrtare në Facebook.
Sipas MSh’së, gjendja e Latifit është stabile.
“Ministria e Shëndetësisë së Republikës së Kosovës, njofton opinion publik se gjendja shëndetësore e Ministrit të Shëndetësisë, Dr. Rifat Latifi është stabile. Ministri Latifi i është nënshktruar një intervenimi kirurgjik, nga apendiciti”, thuhet në njoftimin e Ministrisë.