Zimbabveja voton për herë të parë pa Mugaben

Prishtinë | 30 Kor 2018 | 09:04 | Nga

Qytetarët në Zimbabve votojnë sot në zgjedhjet e para pa përfshirjen e udhëheqësit shumëvjeçar, Robert Mugabe.

Presidenti themelues i këtij vendi, Mugabe, u rrëzua në një puç vitin e kaluar, pas pothuajse katër dekadash në pushtet.

Garuesit kryesorë në zgjedhjet e sotme presidenciale janë presidenti në detyrë, Emmerson Mnangagwa, nga partia qeverisëse Zanu-PF, dhe udhëheqësi i opozitës, Nelson Chamisa.

Zgjedhjet parlamentare dhe lokale zhvillohen po ashtu. Rezultatet priten më 14 gusht.

Sondazhet i japin Mnangagwas, 75 vjeç, epërsi të vogël ndaj rivalit të tij 40-vjeçar, i cili udhëheq Lëvizjen për Ndryshim Demokratik.

Fjalë Kryesore:

Të ngjashme