Arlotto Mainardi (1396–1484) ishte një prift italian, i njohur për shakatë dhe aforizmat e tij.

Sjellim disa nga thëniet e tij, të cilat iu kanë mbijetuar shekujve:

Fol vetëm atëherë kur heshtja s’të bën më punë.

Nëse jeton sipas nevojave, kurrë s’do të jesh i varfër; nëse jeton sipas qejfit, kurrë s’do të jesh i pasur. Se nevojat plotësohen me pak, ndërsa qejfi nuk ka fund.

Nëse dëshiron që i lirë të jesh, mos kërko çfarë s’mund të kesh.

Kush nga fati i mirë nuk mrekullohet, nga fatkeqësia nuk pikëllohet.

Triumfi është i atyre që mund të mëkatojnë e nuk mëkatojnë.

Njeriu nuk bëhet i pasur duke zotëruar shumë gjëra, por duke dëshiruar pak.

Dëmi më i madh është humbja e kohës.

Mos ia thuaj sekretet e tua atij që nuk di të mbajë të vetat.

Ha e pi për të jetuar mirë, por mos jeto për të ngrënë e pirë.

Më mirë të kemi një armik të vërtetë sesa një mik të rremë.