Kryetari i komunës së Vushtrrisë Ferit Idrizi, ka njoftuar të gjithë operatorët dhe shfrytëzuesit e shtyllave elektrike në Bulevardin “Adem Jashari” që t’i lirojnë shtyllat, pasi ditë e premte do të filloj largimi i tyre nga ky bulevard.

Idrizi ka thënë se largimi i shtyllave dhe kabllove nga bulevardi ishte premtim i tij dhe është duke e realizuar atë.

Postimi i plotë:

N J O F T I M

Njoftohen të gjithë operatorët dhe shfrytëzuesit e shtyllave elektrike në Bulevardin “Adem Jashari” (KEDS, operatorë të telefonive mobile, kamerave të sigurisë, etj.), se Komuna e Vushtrrisë do të fillojë me largimin shtyllave dhe kabllove nga bulevardi, ditën e premte më 16.12.2022, me fillim në ora 11:00. Andaj, lusim të gjithë operatorët dhe shfrytëzuesit t’i lirojnë shtyllat deri me këtë datë.

Largimi i shtyllave dhe kabllove, ishte premtim i imi dhe kërkesë e qytetarëve.

Kryetari i Komunës së Vushtrisë

Ferit Idrizi