Kryeministri i Kosovës Albin Kurti, është pyetur nëse do të fillojë konsultimet me partitë politike për mundësinë e koalicioneve paszgjedhore dhe formimin e qeverisë së re.

Ai ka dhënë një përgjigje të shkurtër duke theksuar se konsultimet do të nisin vetëm pas certifikimit të rezultateve zyrtare, raporton Ekonomia Online.

“Njëherë certifikimi i rezultateve”, ka thënë shkurt ai para mediave.

Numërimi i votave të zgjedhjeve të përgjithshme ka përfunduar të mërkurën, më 5 mars.

Sipas rezultateve preliminare, Vetëvendosje ka dalë e para, pasuar nga Partia Demokratike e Kosovës, Lidhja Demokratike të Kosovës, ndërsa e katërta është radhitur koalicioni AAK-Nisma.